चोट दियौ ठिकै छ...

मिती २०६९.०१.०१ 
चोट दियौ ठिकै छ, माया झैँ ठानेकी छु
रजनी दियौ बिहानी मै, सन्तोष नै मानेकी छु।

सम्झन्छु तिम्रा घृणा प्रिय, मुटु पोल्छ आनयासै
नझरोश यी आँसु भनि, नयनमै  धनेकी छु।
चोट दियौ ठिकै छ, माया झैँ ठानेकी छु।।।

हिजोका ति पल अनि, मलाई सजिलै भुल्यौ तिमीले
मैले पनि बिर्सन तिमीलाई, विकल्पहरु छानेकी छु।
चोट दियौ ठिकै छ माया झैँ ठानेकी छु ।।

यति धेरै भर परे, बिश्वाशको गाला रेट्य़ौ
आखिर किन बिश्वाश गरे, भन्दै छाती हानेकी छु।
चोट दियौ ठिकै छ माया झैँ ठानेकी छु ।।।

चक्र हो जीवन यो, घुमिफेरी पालो आऊँछ
मलाई चोट दिने मान्छे, पख! मैले पनि जानेकी छु ।
चोट दियौ ठिकै छ, माया झैँ ठानेकी छु।।
रजनी दियौ बिहानीमै, सन्तोष नै मानेकी छु।।।

-बिमला